قائمة المنتديات بورسعيديات أخبار بورسعيد حوادث بورسعيد (( اغتصاب وقتل ثلاثة فتيات ))

(( اغتصاب وقتل ثلاثة فتيات ))

المشرف: طاقم الأخبار


محب الرسول صورة العضو الشخصية
مراقب طاقم المنتدي
مراقب طاقم المنتدي

مشاركات: 14964

تماماً كما نقرأ في أخبار الحوادث المُرعبة

دائماً ما أحاول في الآونة الأخيرة أن أكدب الكثير مما أراه وأسمعه وأقول كما يقول البعض : ( مُجرد إشاعات )

ولكن هذه المرة حقيقة مؤكدة ( للأسف !!! )

بعد أنباء عن اختطاف فتاة من حي الزهور ( مؤكد )

واختطاف فتاة من شارع الجمهورية ( مؤكد )

واختطاف فتاة من شارع النهضة ( شبه مؤكد )

تحدث قصة مُرعبة ، وهي اختطاف ثلاثة فتيات صغيرات في السن واغتصابهن وقتلهن ورمي الجثث على شاطئ بورسعيد !!!!!

القصة ( مؤكدة ) ورواها الشيخ : عاطف عيد ( إمام مسجد مالك الملك ) نقلاً عن مصادر من الجيش وشهود عيان !!


اللهم سلم ، اللهم سلم ، اللهم سلم


أيحدث هذا في بورسعيد ؟!


حالة مُرعبة ، وانفلات أمني ، وحذر ، وترقب ، وخوف


نسأل الله العظيم أن يمُن علينا بالأمن والإيمان .
" قلوب الناس ليست الجنة ، فلا تتعب نفسك في البقاء فيها أو الوصول لها "

Chessman صورة العضو الشخصية
مصمم مميز
مصمم مميز

مشاركات: 682
اسم العضو: أحمد البلاسى
المدينة التى تعيش فيها: بورسعيد
الحي الذي تقطن فية: الزهور
مكانك المفضل فى بورسعيد: حديقة فريال

أنا نفسى أعرف حاجة... أماكن الخطف دى اتحددت على أى أساس... يعنى اللى اتخطفت من شارع الجمهورية دى... اتعرف منين انها اتخطفت من شارع الجمهورية...!!! ماهو ماتقنعنيش إن بنت حاتتخطف فى شارع فيه ناس وعربيات وحيسيبوها تتخطف... ولا حد حيفكر يجرى ورا العربية اللى خطفتها بعربيته حتى... ويرجعوا يقولوا بعد كده فى بنت اتخطفت قدام عينينا فى المكان الفلانى.... إلا إذا كان هدفهم الترهيب وخلاص... أو اللى اتخطفت من شارع النهضة...!!! بعد ما اتخطفت عرفوا منين انها كانت فى شارع النهضة ساعة ما اتخطفت...!!!
بجد أنا نفسى أعرف التحديد الدقيق لمكان الاختطاف ده مين اللى بيحدده...!!!

وبعدين 3 جثث ايه اللى على شاطئ بورسعيد... هو شاطئ بورسعيد ده حتة مقطوعة...!!! الناس ع الشط و ع الكورنيش من الصبح لحد نص الليل وحرس الحدود بيكثف جهوده بعد نص الليل... وأسمع انهم كتير بتبقى دورياتهم بالبيتش باجى علشان عملية تغطية الشاطئ تبقى أسرع ومايسيبوش أى ثغرة لأى حد... مين حيخطط لخطف 3 فتيات واغتصابهم وقتلهم.. وبعدين ينتهى بيه المطاف بقرار غبى زى ده... يروح يرمى 3 جثث على شاطئ طوله 4 كيلو مترات... وفى احتمالية كبيرة لان حد يشوفه او حرس الحدود يمسكوه.

أحب بس أضيف حاجة... إن مافيش ولا خبر من الأخبار دى كلها أكيد... غير حادثة البنت بتاعة بورفؤاد... ودى ماوصلتش لا لاختطاف ولا اغتصاب ولا أى حاجة.

محب الرسول صورة العضو الشخصية
مراقب طاقم المنتدي
مراقب طاقم المنتدي

مشاركات: 14964

الموضوع مش ترهيب بقدر ما هو تحذير أنا كمان كنت فاكر الموضوع مجرد إشاعات لكن الموضوع حقيقي ووالد البنت بتاعة حي الزهور بلغ المساجد وأنا سمعت الكلام بنفسي وموضوع البنت بتاعة شارع النهضة حقيقي وابن شريك والدها طالب عندي والبنات التلاتة شبيخ المسجد اتكلم عنهم نقلا عن الجيش في بورسعيد وأيه المشكلة إن الموضوعات حقيقية ما البلد مليانة سلاح وبلطجية
" قلوب الناس ليست الجنة ، فلا تتعب نفسك في البقاء فيها أو الوصول لها "

بورسعيد بلدى صورة العضو الشخصية
بورسعيدي نجم
بورسعيدي نجم

مشاركات: 2336
المدينة التى تعيش فيها: بورسعيد

المصرى اليوم خبر من كل محافظة
بورسعيد: الحاكم العسكرى ينفى خطف الفتيات

الحاكم العسكرى فى المحافظة نفى ما تردد عن وجود حالات خطف للفتيات خاصة فى بورفؤاد، بعد أن ترددت بقوة شائعات عن خطف ١٥ فتاة فى بورسعيد و٢٠ فى بورفؤاد، مؤكداً أن كل هذه شائعات لا نعرف مصدرها.

وطمأن الحاكم العسكرى المواطنين بأن قوات الجيش والشرطة يتفهمان تماماً الموقف الأمنى للمدينة الباسلة وحريصون على التعاون مع الجماهير على التصدى للبلطجية، وهو ما يشغل القوات المسلحة ببورسعيد والتى تبادر بالرد بقوة على هؤلاء البلطجية عند أى اتصال من المواطنين عن وجودهم.

جمال نوفل

http://www.almasry-alyoum.com/article2. ... sueID=2065



aya صورة العضو الشخصية
طاقم المشاريع
طاقم المشاريع

مشاركات: 4569
اسم العضو: آيه المرشدي
المدينة التى تعيش فيها: بورسعيد
الحي الذي تقطن فية: بورفؤاد
مكانك المفضل فى بورسعيد: نادى الصيد زماااان

ربنا يسلم

من ساعه ما الثوره بدات مشفتش الشارع :(
صورة

سـمسـم صورة العضو الشخصية
طاقم المنتدي
طاقم المنتدي

مشاركات: 7157
اسم العضو: SIMSIM2020
المدينة التى تعيش فيها: بورسعيد
الحي الذي تقطن فية: أرض الله
مكانك المفضل فى بورسعيد: بيتي
النادي المفضل: معتزل لوضع البلد

بورسعيد بلدى كتب:
المصرى اليوم خبر من كل محافظة
بورسعيد: الحاكم العسكرى ينفى خطف الفتيات

الحاكم العسكرى فى المحافظة نفى ما تردد عن وجود حالات خطف للفتيات خاصة فى بورفؤاد، بعد أن ترددت بقوة شائعات عن خطف ١٥ فتاة فى بورسعيد و٢٠ فى بورفؤاد، مؤكداً أن كل هذه شائعات لا نعرف مصدرها.

وطمأن الحاكم العسكرى المواطنين بأن قوات الجيش والشرطة يتفهمان تماماً الموقف الأمنى للمدينة الباسلة وحريصون على التعاون مع الجماهير على التصدى للبلطجية، وهو ما يشغل القوات المسلحة ببورسعيد والتى تبادر بالرد بقوة على هؤلاء البلطجية عند أى اتصال من المواطنين عن وجودهم.

جمال نوفل

http://www.almasry-alyoum.com/article2. ... sueID=2065



طب امانه عليكو
نصدق مين بالظبط !!!!!! :q: :q: :q:

محب الرسول صورة العضو الشخصية
مراقب طاقم المنتدي
مراقب طاقم المنتدي

مشاركات: 14964

simsim2020 كتب:
بورسعيد بلدى كتب:
المصرى اليوم خبر من كل محافظة
بورسعيد: الحاكم العسكرى ينفى خطف الفتيات

الحاكم العسكرى فى المحافظة نفى ما تردد عن وجود حالات خطف للفتيات خاصة فى بورفؤاد، بعد أن ترددت بقوة شائعات عن خطف ١٥ فتاة فى بورسعيد و٢٠ فى بورفؤاد، مؤكداً أن كل هذه شائعات لا نعرف مصدرها.

وطمأن الحاكم العسكرى المواطنين بأن قوات الجيش والشرطة يتفهمان تماماً الموقف الأمنى للمدينة الباسلة وحريصون على التعاون مع الجماهير على التصدى للبلطجية، وهو ما يشغل القوات المسلحة ببورسعيد والتى تبادر بالرد بقوة على هؤلاء البلطجية عند أى اتصال من المواطنين عن وجودهم.

جمال نوفل

http://www.almasry-alyoum.com/article2. ... sueID=2065



طب امانه عليكو
نصدق مين بالظبط !!!!!! :q: :q: :q:




أحسن حاجة بالعقل كده الناس اللي بلغت في الجامع عن خطف بناتها ، واللي عاملن نشرات بأوصاف بنات مخطوفة

كل ده شو إعلامي مثلاً !!!!!!!


ما لازم الحاكم العسكري يقول كده علشان الناس متخفش .


ربنا يُستر
" قلوب الناس ليست الجنة ، فلا تتعب نفسك في البقاء فيها أو الوصول لها "

أمة_الرحمن صورة العضو الشخصية
بورسعيدي متألق
بورسعيدي متألق

مشاركات: 1653
اسم العضو: أمة_الرحمن
المدينة التى تعيش فيها: بورسعيد حبيبتى
الحي الذي تقطن فية: بورفؤاد
مكانك المفضل فى بورسعيد: جامع الرحمة
مفيش فايدة الله اعلم الحقيقة فين واحنا متعودين ان تبقى المصيبة موجودة والمسؤلين بيقولوا الامن مستتب
صورة


واتقوا يوما ترجعون فيه الى الله

عصفورالجنه صورة العضو الشخصية
بورسعيدي نجم
بورسعيدي نجم

مشاركات: 3234
اسم العضو: عصفورالجنه
المدينة التى تعيش فيها: بورسعيد
الحي الذي تقطن فية: الضواحى
مكانك المفضل فى بورسعيد: البحر وقت الغروب
النادي المفضل: منتخب مصر
واختطاف فتاة من شارع النهضة ( شبه مؤكد )

الخبر ده اكيد لآن واحدة اعرفها شافت الحادثة كانت شاهده على الحاله دى كانت فى القنال الداخلى وكانت البنت مع والدتها والبنت اتخطفت من شخص راكب تاكسى كانت الام بتشاور لتاكسى البنت ركبت والتاكسى مشى بسرعة كبيرة ومحدش لحق ياخد الرقم وكانت صراخ من الام يدوى فى المنطقة ايلى حكيتلى الحادثة دى بتحلف انها شافتها يا جماعة من بلكونه فى الدور الارضى


معقوله بعد ماكانت بورسعيد امنه تبقى بالشكل ده

معقوووووووووووووووووووووووووووولة

يارب احفظ ولادنا وبناتنا جميعاااااااااا
صورة
و ما من كاتب إلا سيفنى و يبقى الدَّهر ما كتبت يداه
فلا تكتب بخطك غير شىء يسرك فى القيامة أن تراه

boss mego بورسعيدي فعال
بورسعيدي فعال

مشاركات: 246
لو سمحتم مؤكد دى يعنى الخبر منين المشرحة؟؟؟ مستشفى ايه ؟؟؟ علشان يبقى خبر مؤكد
اذا كان الحاكم العسكرى نفى اى كلام و دكتور عصام فى مستشفى اﻻميرى قال ان كل حاﻻت القتل واﻻغتصاب اللى بتحصل اشاعات من ناس هدفها تخويف الناس

لازم نكون عارفين ان فى حرب نفسية على الشعب هدفها الاساسى نشر الرعب سواء بالبلطجية و دفع ليهم مبالغ للتخويف و المضايقات و عندما بدأ الجيش فى السيطرة و قبض على مجموعة كبيرة من البلطجية بدأت نشر الشائعات التى تمس الاعراض و الناس بطبعها بتخاف على بعض هتنشر الموضوع بزيادة , الفكرة اكيد فى حوادث بتحصل ما هى كان فى حوادث اصلا بتحصل بس نشرها بالطريقة دى يسبب حالة خوف و فزع عام و طبعا لازم الحذر فى كل الاحوال بس رجائى قبل نشر اى خبر التأكد من صحته و ذكر مصدر الخبر عشان نقدر نستصدى للاشاعات

ايناس محمد بورسعيدي نجم
بورسعيدي نجم

مشاركات: 3299
المدينة التى تعيش فيها: بورسعيد
الحي الذي تقطن فية: الزهور
مكانك المفضل فى بورسعيد: كلها بحبها
النادي المفضل: مش بحب اللى ضد دينى
يعنى ننزل المدرسة بكرا ولا لا؟؟؟؟؟؟؟؟؟؟؟

محب الرسول صورة العضو الشخصية
مراقب طاقم المنتدي
مراقب طاقم المنتدي

مشاركات: 14964

بعد صلاة الفجر اليوم بمسجد رياض الصالحين

دخل شخص المسجد مُسرعاً وقال للشيخ : منعم

إنه سواق تاكسي وشاف بنت راكبة تاكسي مع والدين وتقريباً خاطفنها وكان واضح عليها ، وبالفعل أسرع بعض رواد المسجد مع السائق

ولكن لم نعثر على شئ إلا رواية بعض المارة أن ذلك حدث بالفعل !!!

اللهم سلم .
" قلوب الناس ليست الجنة ، فلا تتعب نفسك في البقاء فيها أو الوصول لها "

Chessman صورة العضو الشخصية
مصمم مميز
مصمم مميز

مشاركات: 682
اسم العضو: أحمد البلاسى
المدينة التى تعيش فيها: بورسعيد
الحي الذي تقطن فية: الزهور
مكانك المفضل فى بورسعيد: حديقة فريال

محب الرسول كتب:
بعد صلاة الفجر اليوم بمسجد رياض الصالحين

دخل شخص المسجد مُسرعاً وقال للشيخ : منعم

إنه سواق تاكسي وشاف بنت راكبة تاكسي مع والدين وتقريباً خاطفنها وكان واضح عليها ، وبالفعل أسرع بعض رواد المسجد مع السائق

ولكن لم نعثر على شئ إلا رواية بعض المارة أن ذلك حدث بالفعل !!!

اللهم سلم .


بنت... فى تاكسى... وساعة الفجر...؟؟ ودى كانت نازلة تصلى...؟؟
والسواق اللى دخل المسجد ده... واللى أكيد كان معاه عربيته... ماطلعش وراهم ليه... ومسك التليفون بتاعه يتصل بواحد ولا اتنين من اصحابه السواقين يقولهم حصلونى ع الحتة الفلانية... وكانوا جابوا الولدين دول... وبعدين بالليل والدنيا ضلمة شاف البنت وقال كان واضح عليها إنها مخطوفة... وماعرفش يشوف رقم العربية كام... هو ليه كل القصص الى ع النت غير منطقية...؟؟

محمد شرف صورة العضو الشخصية
بورسعيدي نجم
بورسعيدي نجم

مشاركات: 3446
اسم العضو: MOHAMED SHARF
المدينة التى تعيش فيها: بورسعيد
الحي الذي تقطن فية: الزهور
مكانك المفضل فى بورسعيد: كرسى امام البحر
النادي المفضل: الاستاد

Chessman كتب:
محب الرسول كتب:
بعد صلاة الفجر اليوم بمسجد رياض الصالحين

دخل شخص المسجد مُسرعاً وقال للشيخ : منعم

إنه سواق تاكسي وشاف بنت راكبة تاكسي مع والدين وتقريباً خاطفنها وكان واضح عليها ، وبالفعل أسرع بعض رواد المسجد مع السائق

ولكن لم نعثر على شئ إلا رواية بعض المارة أن ذلك حدث بالفعل !!!

اللهم سلم .


بنت... فى تاكسى... وساعة الفجر...؟؟ ودى كانت نازلة تصلى...؟؟
والسواق اللى دخل المسجد ده... واللى أكيد كان معاه عربيته... ماطلعش وراهم ليه... ومسك التليفون بتاعه يتصل بواحد ولا اتنين من اصحابه السواقين يقولهم حصلونى ع الحتة الفلانية... وكانوا جابوا الولدين دول... وبعدين بالليل والدنيا ضلمة شاف البنت وقال كان واضح عليها إنها مخطوفة... وماعرفش يشوف رقم العربية كام... هو ليه كل القصص الى ع النت غير منطقية...؟؟


انا معاك فى كل شئ بتقوله بس العوز يعمل حاجه بيعملها

ياعنى لو تفتكر الحدث بتاع مساكن الجيزه ده حصل حقيقى

بتاع الخطف علشان انا كنت موجد فى المكان هذه فى كافتيره هناك بقعد فيها اسمها الابيض

وكمان سمعنا صويت رحنا هناك قالو فى البنت بتاعت السنترال اتخطفت

وهذه المكان فى ناس كتير موجده

المقصود من كلامى ان اى حد بيحب يعمل شئ بيعمله

وبزاد بتوع المخدارات مبيقونش فى وعيهم

تقبل تحياتى
كم أشتاق إليكِ
ولحضنك الدافىء
وقلبك الحنون
أمــي الغاليه
من غيرك أنتِ أد أيـــه صعبة الحياة

Chessman صورة العضو الشخصية
مصمم مميز
مصمم مميز

مشاركات: 682
اسم العضو: أحمد البلاسى
المدينة التى تعيش فيها: بورسعيد
الحي الذي تقطن فية: الزهور
مكانك المفضل فى بورسعيد: حديقة فريال

أنا معاك إن فى بلطجية ومدمنين... وممكن يعملوا أى حاجة... بس إن الناس تشوف بعنيها حاجات وماتشوفش حاجات تانية أهم وأكثر وضوحاً... ده شئ مش منطقى... اللى يشوف عربية وفيها واحدة مخطوفة ومعاه عربية... ومايعرفش حتى... ياخد رقم العربية اللى فيها البنت المخطوفة... يبقى بيحور.
فى ناس... ع المنتدى.. أعضاء جدد... وكتير مش قليلين... سجلوا فى المنتدى وأول مشاركة ليهم... بيبلغوا عن حوادث اختطاف واغتصاب... وبأسلوب يأكدلك إن اللى بيقول القصة ده واحد داخل يثير الرعب وخلاص... والأستاذ علاء إبن النيل لاحظ الموضوع ده... وعلق فى أحد المواضيع وقال لصاحب الموضوع أشك فى صحة هذا الكلام.
وناس بتسجل لمجرد الرد على موضوع عن حادثة اختطاف او اغتصاب.

التالي

العودة إلى حوادث بورسعيد