|
في بورسعيد لسه الناس عالشط سهرانه |
|
|
|
قصيده في حب بورسعيد للشاعر أحمد شلبي (دكتور زيفاجو). بورسعيد مدينتنا الجميله بنحبك.
عجوز بورسعيد
فى بورسعيد
لسه الناس على الشط سهرانة
رغم القلق و الحزن
رغم القلوب اللى حيرانة
و العجوز على البحر
مجربش السكات
على الشط قاعد
بسنارته
مانساش الحاجات
مانساش فلايك
على الرمل نايمة
عينه على مراكب
فى الكنال
عايمة
ولسه العجوز مجربش السكات
ويقوللى
يا احمد يا ولدى
بلدك حتة من لحمك
شوف الشماسى على البحر
مرمية
و الولاد لبورفؤاد كل يوم
معدية
ولسه العجوز ماسك
الودع يكلمه
ويحكيلو
ويحب الموج ويسمعه
وييشتم النادى المصرى
ويروح يشجعه
ويحكى العجوز و يقول
عن فدائى وظابط
عسكرى وصول
حاربوا على الشط ده
ماتوا عشانو وعشانك
دمهم نزل على الرمل ده
ويقوللى العجوز
مادام بورسعيدى
عارفك
اعرف جدك و عمك
طب اقوللك اسم امك
وعجوزنا عمره ما خاف
من حد يخونه
يمشى فى بورسعيد
مغمض عيونه
عارف شوارعنا
من ريحتها
صوتها
و يمكن غسيلها
ولسه العجوز عالشط بسنارة
والناس عالبحر سهرانة
 أضف لموقعك | المشاهدة: 288
1. أضيف بواسطة صفاء, في 29-04-2008 13:26
كلام جميل لبلد جميل وانشاءالله دايما ن\\منصورة بلادنا العربيه بشابها
|
2. أضيف بواسطة ابن النيل, في 29-04-2008 23:05
العزيز د زيفاجو
الكلمات تنسال من قلمك كالبلسم ... رقيقه وعذبه
بارك الله فيك يا احمد .. يا أصيل
|
|
- من فضلك اضف تعليق يتناسب مع الخبر.
- أي اهانات أو شتم سيتم حذفها.
- لا تنس اضافة الكود الأمني الموجود بالأسفل.
|
|
أرشيف الأخبار 
التعليقات & التفاصيل (2)
الخط الساخن ، الأن على موقع بورسعيد أون لاين 
أخبار مكتبة مبارك العامة ببورسعيد 
