النادي المصري البورسعيدي معشوق بورسعيد مهما كان ترتيبه, فائز أو مهزوم, ببطولات أو بدون بطولات. نعشقه لانه المصري فريق بلدنا الغاليه ولانه جزء من التاريخ البورسعيدي المشرف. تتعدد الاسباب لعشق المصري وبالصور ينشر محمد علاء (إبن بورسعيد) أسباب إنتمائه للنادي المصري البورسعيدي.

كتب: محمد علاء - إبن بورسعيد (بورسعيد أون لاين)



أنا حبيت ياجماعة أعرض بس شوية صور للتاريخ للنادي المصري البورسعيدي. النادي المصري اللي شعبيتة كل يوم بدأت تقل من بورسعيد. النادي المصري, اللي عايز يحب النادي ده يروح يقعد مع الناس الكبيرة بتاعة البلد ويحكولوا علي النادي المصري زمان وازاي الناس كانت بتحبة ووقفة وراة والبلد كلها كانت وراة النادي المصري اللي بسبب لاعيبة معندهمش أي انتماء ولا روح كلها كام سنة وهتبقي بورسعيد زي اي بلد في مصر يوم مباريات الأهلي والزمالك هتبقي مدرجاتها حمرة وبيضة. النادي المصري مقبرة أي فريق علي ارضة النادي المصري اللي أي فريق بيلاعبة بيحلم بنقطة واحدة أمامة. النادي المصري اللي كان أي لاعيب في مصر يتمني انه يلبس الفانلة الخضراء. النادي المصري البورسعيدي اللي كانت بورسعيد كلها وراة, دلوقتي بقوا مبسوطين وبيتباهوا انهم أهلاوية وزملكاوية وانا عن نفسي هفضل طول عمري وربنا يشهد عليا ان انا عمري ماهحب وعمري ماهشجع غيرك يا نادي بلدي عمري ماهشجع فرقة عشان بطولاتها عمري ماهشجع فرقة عشان انجازاتها وعمري ماهحب غيرك. انا مبحبوش عشان رئيسة ولا عشان لاعيبتة ولا عشان انجازاتة انا بحبة عشان بورسعيدي وعشان الناس الكبيرة بتاعة بلدي دي تعرف ان فيه ناس بتحب بلدها احنا ممكن نزعل منة بس باردة عمرنا مهنشجع غيرك وعمرنا مهنحب غيرك أنا ممكن أخلي نفسي مبسوط وسعيد بكلمة واحدة أقول بس أنا أهلاوي أو زملكاوي زي أي حد بيعمل دلوقتي بس انا هفضل طول عمري مصراوي ومبحبش غير النادي ده وبكرة والله جاي يانادي بلدي وبكرة هترجع تاني وهترجعلك هيبتك وهيرجعلك تاريخك بكرة جاي قريب قريب أوي طول مافية المخلصين اللي بيحبوك.

بحبك عشاان خاطر الحاج ده

بحبك علشاان خاطر الطفل ده

أخر عمالقة الجيل الذهبي في بورسعيد مارادونا بورسعيد (ابراهيم المصري)

 

جودة ضحك علي مأمور الزمالك

صورة للتاريخ عام 1980

رابط الموضوع: http://www.portsaid-online.com/xmb/viewthread.php?tid=24648&page=1

 نشأه النادي المصري إعداد الاستاذ فوزي سراج:

التعصب المشروع

بعد أن فشلت ثورة ١٩١٩ في تحقيق أهدافها بالقضاء على الاحتلال
الإنجليزي لم يتحول هذا الفشل إلى إحباط ويأس ولكنه تحول إلى إصرار أكبر وفي
بورسعيد تلفت أهل المدينة من المصريين فوجدوا أنفسهم محاصرين بالعشرات من
الأندية الأجنبية للجاليات الأجنبية التي استحلت لنفسها الاستمتاع بكل ما هو
مصري. فقرر الوطنيون إنشاء (النادي المصري)، واختاروا له اسم (المصري)
ليؤكدوا على أنه ليس مجرد ناد يلتقي فيه الأصدقاء ويمارسون فيه الألعاب
الرياضية. بل هو نادي للوطنية وتأكيدًا لهذا المعنى اختاروا اللون الأخضر لزي
النادي وعلمه. واللون الأخضر هو لون العلم المصري قبل الثورة وقد ساهم كل
أبناء الشعب البورسعيدي في دعم النادي وتأسيسه، وكانت نشأة النادي خلال فترة
عصيبة امتدت فيها قيود المحتل لتفرض الحظر على الاجتماعات والمظاهرات
وانتشر جواسيس المحتل في كل الشوارع والمنتديات، ومن هنا فقد أصبحت أروقة
النادي المصري أفضل مكان لعقد الاجتماعات الوطنية وخاصة أثناء إجراء
المباريات الرياضية. ولقد تعصب المصريون عامة وبورسعيد خاصة لهذا النادي
الذي أصبح رمزًا للوطنية فكان الجميع يضعون أيديهم على قلوبهم إذا لعب
المصري مع أحد الأندية الأجنبية، فإذا فاز عمت الفرحة والبهجة كل النفوس. وإذا
انهزم عم الغضب والحزن الذي لا يزول إلا بانتصار يشفي الغليل على أي من تلك
الفرق الأجنبية. وأصبح النادي المصري رأس الجسر الذي يعبر عليه كل
البورسعيديين إلى آمالهم. فعندما ينتصر يوسع كل إنسان على أسرته وعندما يهزم
تعم المرارة. ومن هنا فقد كان التعصب للنادي المصري فعلاً مشروعًا وجميلاً
ونبيلاًً على أساس أنه رمز وطني وجزء عزيز من تاريخ مصر.

التعليقات & التفاصيل (8)

4. العرب أضيف بواسطة محمد فؤاد , في 10-10-2008 22:00 شكرا لك كثيرا على كل كلامة قولتها لانك تستحق ان تكون بورسعيدىوتتشرف بلدك ان تكون من ابنائها البواسل لان كل من لدية انتماء لبورسعيد اكيد اكيد يكون لدية انتماء للنادى الكبير العظيم النادى المصرى و الكلام دة لكل بورسعيدى فقط وليس للدخلاء أبلغ إدارة الموقع

5. الزهور أضيف بواسطة البرنس , في 10-10-2008 22:21 مهما كان مهما حصل بورسعيد هى مقبرة لكل من يتعالى عاليها او تسول لة نفسة وينسى من هى الباسلة ومن هو النادى المصرى أبلغ إدارة الموقع

7. اى حته فى مصر مصراوى على طول أضيف بواسطة هذا البريد محمى من المتطفلين , تحتاج إلى تشغيل الجافا سكريبت لمشاهدته , في 30-12-2008 21:03 هو ده جمهور المصرى احسن جمهور أبلغ إدارة الموقع

8. الاسماعيليه أضيف بواسطة محمد محسن , في 30-12-2008 21:58 من الاندية اللى بحبها اوى النادي المصرى مع اني بشجع الاسماعيلى ومتعصب اسمعلاوى بس المصرى فخر لكل بورسعيدي أبلغ إدارة الموقع

أضف تعليق & التفاصيل
من فضلك اضف تعليق يتناسب مع الخبر. أي اهانات أو شتم سيتم حذفها. لا تنس اضافة الكود الأمني الموجود بالأسفل.
الإسم:
البريد الإليكتروني
الصفحة الرئيسية
العنوان:
BBCode:
التعليق:
الكود الأمني:*
	الإشتراك في التعليقات حول هذا الخبر على البريد الإليكتروني