 هذه مجموعة من الصور التقطت من احد الاحياء الشعبية ببورسعيد .. حقيقة شيء مؤسف ومحزن ما سترونه في هذه المشاهد ... تاريخ التقاط هذه الصور هو الثلاثاء 9 سبتمبر 2008 ... وواضح من الصور ان هذا الوضع السيء موجود بشكله الحالي منذ فترة ليست بالقصيرة !!! هل شفط المياه واصلاح المجاري صعب الي هذه الدرجة ؟؟ هل لو ظهرت هذه المياه في شارع 23 يوليو او شارع الجمهورية ستترك هكذا ؟؟ لماذا الاهتمام بمناطق دون الاخري؟؟ ومنذ متي كانت الحيوانات تمرح في شوارع بورسعيد ؟؟ رجاء الي السيد المحافظ المرور ولو مرة واحدة شهريا في الاحياء الشعبية ليتعرف علي الطبيعة علي جهود رؤساء الاحياء والاجهزة التنفيذية !!!!
 
 أضف لموقعك | المشاهدة: 1278
1. أضيف بواسطة
هذا البريد محمى من المتطفلين , تحتاج إلى تشغيل الجافا سكريبت لمشاهدته
, في 10-09-2008 03:02
what a shame what happend to my beautiful Port Said Alaha yrham Ayam Zaman. 
|
2. أضيف بواسطة MishMish, في 10-09-2008 03:51
لا هوة شيء مخجل جدا مش مؤسف
مش لاقي كلاااااااااااااااااام
|
3. أضيف بواسطة Mohamed Elmadany, في 10-09-2008 03:59
عيشة لا تليق ببني أدمين
أملنا فى ربنا ثم فى المحافظ الجديد
|
4. مجاري بورسعيد
أضيف بواسطة
هذا البريد محمى من المتطفلين , تحتاج إلى تشغيل الجافا سكريبت لمشاهدته
, في 10-09-2008 04:25
المنظر ده في كل حته في بورسعيد وبالاخص في المناطق الشعبيه وحتي في حي الضواحي وامام حي الضواحي المجاري بقالها اكتر من شهرين وعلي مراي ومسمع رئيس الحي ولايتحرك ساكن ربنا يولي من يصلح لحبيبتي بورسعيد
|
5. ياعيني عليكي يابورسعيد
أضيف بواسطة
هذا البريد محمى من المتطفلين , تحتاج إلى تشغيل الجافا سكريبت لمشاهدته
, في 10-09-2008 13:21
مشكلتك انك بورسعيد ومشكلتنا إننا بنحبك أويييي
والله حرام بورسعيييييييييييييييد متستاهلش كدة ابدا
دى أحسن محافظات مصر على الإطلاق و
والله حرام
حرام
حرام
حاجة توجع القلب وتحزن
لكي الله يا بورسعيييييييييييييييييييييييييييييد
لكي الله
ولكي قلبيnull
|
6. أضيف بواسطة nona, في 10-09-2008 13:23
|
7. england
أضيف بواسطة
هذا البريد محمى من المتطفلين , تحتاج إلى تشغيل الجافا سكريبت لمشاهدته
 , في 10-09-2008 16:48
men fadlak y mo7aft portsaid ahtam benzaft al27ya2 fee portsaid anzal marah kol shahr we shoff benafsak portsaid malyanah magary leh?// we matar algmeel feen
|
8. أضيف بواسطة
هذا البريد محمى من المتطفلين , تحتاج إلى تشغيل الجافا سكريبت لمشاهدته
, في 10-09-2008 16:49
 7ram ela7na benshofo dah
|
9. أضيف بواسطة عصام عبدالجواد الغريب, في 10-09-2008 17:08
يا جماعة دي سياسة بلد دلوقت لازم تخنق الناس في الشارع علشان يروحوا معندهمش اي استعداد لا للتفكير ولا للحياه السعيدة ماهي ماتجيش غير كدة طيب روح الاستثمار واتفرج علي منظر المجاري روح الشهر العقاري في منطقة عمروبن العاص روح المرور شوف التكسير كل عشرة متر في الشارع ادخل منطقة ال5000وحده في حي الزهور ياجماعة واللة واللة ماهتكلف اي مسؤل سوي جملة صلح الصبح يكون كله تمام وفي الاخر نلاقي السادة المسؤلين في الجوامع بيصلوا التراويح وبيحافظوا علي كلي الفروض طيب اذاي لكن نعمل اية نصيب اسود
|
10. تعاونيات الزهور
أضيف بواسطة محمد درويش , في 10-09-2008 17:21
ان هذه الصور تمثل واقع كثير من الاحياء فى بورسعيد والتى هى فى الغالب تسمى\" شعبية \" لان اى حى غير (الافرنج )يعتبر\" شعبيا\" اى \"مهمشا\" والحالة تزداد سوءا والمسئولون وساكنى الاحياء يتعايشون مع هذا الوضع المزرى وكأن الامر لا يعنيهم بشىء،فمن النادر ان تجد عامل نظافة واحدا فى أى من هذه الاحياءبينما تجد العشرات منهم فى حى الافرنج علاوة على الوسائل الالية الت تجول المنطقة المميزة من الحى ليل نهار ،فمظهر المدينة الجميل تم اختزاله فى هذه المنطقة المميزة وكنت امل ان تكون صورة هذه المنطقة منطبعة فى ذهن اى سائح او زائر لبورسعيد ولكن للاسف الشديد وجدت الصور المنشورة اعلاه وما شابهها بين ايدىمن زاروا بورسعيد حيث اطلعونى عليها اثناء وجودى بالخارج فى مهمة عمل بينما كنت اتغنى بجمال مدينتى التى عشت فيها ايام الحرب والبناء على مدى خمسين عاما.null
|
11. بورسعيدى اصيل
أضيف بواسطة جمال عرنوس, في 11-09-2008 18:28
لافائده من الكلام فالصور المعروضه خير من اى كلام حيث ان المسئولين صائمين ومتفرغين فقط لولائم الافطار الشهيه ويااااااااااااااااالف خساره عليك يابورسعيد ياحبيبتى
|
12. ابحث معى
أضيف بواسطة عاشق حتى الثمالة , في 11-09-2008 22:34
الاستاذ الفاضل صاحب الكاميرا الشقية أحب أن أدعوك لجولة فى كل شوارع المدينة فى الاسبوعين الاخيرين من شهر رمضان الكريم كى تقف معى على أسوأ منظر تراه فتلال القمامة تغطى جوانب شوارع العرب وخاصة المتاخمة لشارعى التجارى والحميدى ولا يوجد كناس أو زبال أو حتى سيارة جمع قمامة وذلك منظر متكرر على مدى السنين العجاف التى تولت أمرالوساخة- عفوا النظافة - الشركة المحترمة . والله لقد بتنا نترحم على أيام أن كان الحى هو المسؤل عن نظافة الشوارع وجامع القمامة - الغير حضارى - صاحب العربة الكارو الذى يطرق الباب ويجمع القمامة من المنازل لقاء أجر زهيد جزاهم الله عنا حير الجزاء وأخيرا وليس آخرا أتمنى عودة الأمر الى سابق العهد الغير حضارى لأنه ثبت بالتجربة العملية أنه أكثر ملأمة ونظافة
|
13. sad love story
أضيف بواسطة sad love story, في 15-09-2008 03:42
بجد حرااااااام ده حتى ربنا ماقلش كده دى مش صور ناس عايشه هنا بس بجد عيب الكلام والله العظيم ماعارفه اقول ليه بجد ساعات السكوت بيبقى افضل واحسن بكتير فى الحاجات ايلى زى دى ياعينى عليكى يابورسعيد ياحبيبتى
|
14. حرام
أضيف بواسطة ليثى2000, في 16-09-2008 00:32
ارحموا من فى الارض يرحمكم من فى السماء :
zzz 
|
15. شارغ الجغفرية
أضيف بواسطة مصطفى دياب , في 16-09-2008 11:05
فوضى شاملة فى بورسعيد سواء فى المرافق المتخذلة دوما والتى يعرف التجار موعيدها او فى المرور الذى لم يصل الى علم المسؤلين صدور قانون جديد بشأنة او فى الامن العام الذى ليس لة تواجد فى الشارع والحرامية والبلطجية وتجار المخدرات يعيثون فى الارض فسادا دون رادع وكذلك فى مجال الصحة والتعليم بعد الابتدائى الخ الخ الخ
|
16. أضيف بواسطة احمد, في 16-09-2008 23:32
ااااااااااااااااااااه بورسعييييييييييييييييييييييييييييد حبيبتى.
|
17. أضيف بواسطة
هذا البريد محمى من المتطفلين , تحتاج إلى تشغيل الجافا سكريبت لمشاهدته
, في 17-09-2008 07:20
begad 7aram awy keda ana aktar 7aga b7baha fe 7yaty hya port-said ezay yb2a feeha keda w el mas2oleen sakteen bgd 7aram 3aleehom homa mesh shb3o men ely bya5dooh y3mlo ba2a b damerhom w yndafo ba2a
|
18. أضيف بواسطة ايهاب القاضى, في 17-09-2008 12:25
السيد الاستاذ / صاحب الكاميرا الشقية
ارجوا من سيادتكم التكرم بزيارة الى منطقة الجامع العباسى والمرور على صيدلية الاسعاف والمنطقة المحيطة بها .
سوف تلاحظ ياسيدى مدى الاهمال فى النظافة الى درجة التسبب فى كارثة بيئية خطيرة .
الامر لم يعد يخص منطقة شعبية او اخرى ولكن امر النظافة المعدمة ببورسعيد اصبح يشمل المدينة جميعها فنرجو من السيد المحافظ محاكمة المسئولين الذين يقومون بعملية تفتيح المخ مع الشركة المسنود اليها قزارة مدينة بورسعيد وشكرا
|
19. حي الصفاالمميز
أضيف بواسطة امل احمد محرم , في 18-09-2008 04:18
انا مقيمه بالرياض في السعوديه ولسه راجعه من اجازتي ببورسعيد ولكني في قمة الحزن والاسى لماوصلت له مدينتي الجميله انا عديت على فاطمه الزهراء عباره عن بحرمجاري للاسف الصور دي بعد مانشفت الميه شويه اماالكارثه الكبرى في الطريف المؤدي للصفاالمميز في اتجاه اكبر حديقه دوليه ببورسعيد وهي للعلم لها 4سنوات لم تفتح يوجد حمار ميت ومنتفخ امام مشروع المسنين حاجه تتعب الاعصاب ليه بيحصل فينا كده فين المحافظ ينزل يشوف الاحياء بدون رقيب يشوف الزباله المتراكمه والمجاري ويحاسب المسؤل بيد من حديد
|
20. بورسعيدي
أضيف بواسطة
هذا البريد محمى من المتطفلين , تحتاج إلى تشغيل الجافا سكريبت لمشاهدته
, في 20-09-2008 02:55
 سيدتي الفاضلة مش لازم الواحد يسافر ويرجع ويشوف ويقول والا لازم ولابد من سفر المسؤلين عن البلد للخارج وياخدوا كورس نظافة للعينين وكورس شم روايح حلوة وبعدين يرجعوا يقارنوا بين هنا في مصر عامة والخارج النظافة نظافة ضمير للمسئولين عنها سواء في الاحياء او نظافة القلوب الراجل الجدع ده سيادة المحافظ اول تعيينه كان هيفض عقد شركة النظافة المسئولة عن البلد هي شركة على قد حالها ولكن لابد من عدة شركات وليس واحده بورسعيد ليست صغيرة كما في السابق ويوجد بها تكس سكاني في مساحة صغيرة وسعها علينا يارب يارب يشيلوا المنافذ الجمركية يارب يشيلوا القطار تاني سبب البلاوي يخرج كما في السابق يارب يشيلوا كل واحد مسئول امام الله ولايعمل الحمار برئ من ذنب الشكوى فين جمعية الرفق بالحيوان صحيح الامافيش جمعية رفق بالانسان هي واحدة دولية بس ؟ والا جمعية الضمير الصاحي ابو جيوب فاضية حسبي الله ونعم الوكيل
|
21. خسارتك يا بورسعيد
أضيف بواسطة اسماعيل الوهيدى, في 22-09-2008 00:55
معروف000ان لو مسئول كبير هيمشى فى شارع قبلها بكام يوم يكون الشارع ده عبارة عن شمعه فله منوره000لاكن للاسف احنا عاوزين المسئول الكبير ياخد العربيه بتاعته من غير ما يقول لحد ويلف شوارع بورسعيد كلهاوالمناطق المداريه بامانه مش هيشوف نوم لو عنده صحيح خوف على البلد دى000لاكن للاسف الكل الوقت بيشوف اللى هيدخل جيبه كام000وتولع البلد000000يا بلد
|
22. عربات الكارو للزباله كانت ارحم
أضيف بواسطة اسماعيل الوهيدى, في 22-09-2008 01:13
قبل ما يجى سرفيس مصر للزباله وتحصيل 2 جنيه من كل شقه على الايجار اللى لم نراهم الا بظروفها لو كان الريح طيب كان فيه رجال عربات الكارو اللى يوميا بيفوتوا على البيوت بيت00بيت ويلموا الزباله اقسم بالله اننى يوميا انا اللى باخد الزباله وارميها فى الصندوق 000اما رجال سرفيس مصر 00بيلموا اه000بس بيلموا البلاستيك والحديد والكرتون واى حاجه تتباع لبتاع الخرده النصيبه بقه ان المشرف اللى عليه بيقاسمه المصلحه او ينقله مكان تانى00 ربنا معاك يا بورسعيد
|
23. عرفونى00 مين صاحبه هذا المحل
أضيف بواسطة اسماعيل الوهيدى, في 22-09-2008 01:34
يوجد محل بجوارمدخل عمارة ج3 مساكن نهضة مصر المحل ده لم يستغل منذ عام 1990 واصبح الان ملتقى لجميع الاحبه من الحشرات والفيران وكل اللى يخطر ببالك 00اى واللهى كده غير بقه ان الحبايب والجيران شافوا خرابه جت لهم ومش هيتعبوا كل واحد معاه شنطة زباله حلوة يقوم مطوحها 00بقه المحل ملقف زباله 00تخيلوا00او تصوروا00ذهبت للسيد رئيس حى العرب قابلتنى السكرتيرة وحكيت لها ارسلتنى للسيد المهندس مسئول البيئه 00ارسلنى لمسئولة الايجارات لمعرفة اسمها وعنوانها00ولم يستدل لها عن عنوان00واحلق دقنى لو حد عرف يوصل لها00وعظيمه يا مصر00
|
24. رجاء الاهتمام بمدرسة بورسعيد الميكانيكية
أضيف بواسطة اسماعيل الوهيدى, في 22-09-2008 01:54
الى كل مسئول فى بورسعيد سواء الحى او السيد المحافظ او السيد وكيل وزارة التربيه والتعليم ببورسعيد00برجاء الاهتمام بمدرسة بورسعيد الصناعية الميكانيكية حيث ان المدرسة تحتاج لعمل نجيله للحوش ورصف للطرق وتركيب اعمدة انارة داخل المدرسة حيث ان مساحتها كبيرة جدا كذلك عمل صرف صحى للورش بلاستيك لان المياة تخزن فوق السطوح ولا يوجد لها صرف مما يعرضها لتأكل السطح ورشح فى الخرسانة المسلح 00ارجوا الاهتمام بها اسوة بالمدرسة الزخرفية وللجميع الشكر000
|
25. اين المجالس المحلية ها ها اه
أضيف بواسطة بورفؤادى اصيل, في 22-09-2008 09:49
اين المجالس المحلية ها ها اه المنتخبة بدون أن يدلى الناس باصواتها هذ يا سادة نتاج هذه المجالس الهزلية -
على فكرة اعلن مجلس محلى المحافظة عن عمرة قيمتها فوق 9500.00 جنيه لمين ياترى للشعب اكيد ها اه
|
26. austria
أضيف بواسطة ivo, في 22-09-2008 21:36
جميع المساكن التى شيدت حديثا فى الاحياء الشعبية فى الزهور وخلافة شيدت بطريقة عشوائية الغرض منها تسكين المواطنين شيدت عن طرق شركات مقولات لاتعرف عن شبكة الصرف الصحى شيئا فنرى الحالة التى وصلت اليها الشوارع الان مطلوب من السيد المحافظ فك عقد شركة مصر سريفس للقذارة وشراء سيارات للنظافة والصرف الصحى من صندوق خدمات المحافظة وتوزيعها على جميع الاحياء مع محاسبة رؤساء الاحياء المقصرين بهذا الحل سوف توفر المحافظة اكثر من 300 الف جنية مقابل خدمات هذة الشركة ونحن نعرف هذا الحل لا يرضى الجهاز المحلى لمحافظة بورسعيد التى يدافع عن الشركة المذكورة باستماتة ؟
|
27. بورسعيد_ارض العزب
أضيف بواسطة عادل مرسى, في 24-09-2008 09:19
شوفوا يا اخوانى ...
قبل كل شىء وقبل ان نلقى بالتهم يمينا ويسارا .علينا ان نعترف اننا جميعا مشاركون فى هذه الجرائم التى تصيب هذه المدينه .
لن نعفى انفسنا من ارتكاب كل الموبيقات فى حق مدينتنا التى نتباكى عليها الان .
من الذى يلقى بهذه الزباله فى الشوارع من الذى تستيقظ من احلى نوم على صوت انفجار مدوى من قنبله هيدروجونيه القتبها الست (الغير محترمه)من شباك منزلها.
ان الله لا يغير ما بقوما حتى يغيروا ما بأنفسهم .,
صحيح هناك تقصير من جميع الاجهزه المعنيه ولكن لنكن صادقين مع انفسنا مهما فعلت ونحن كما نحن الان لن نرى اى فارقانا اقطن فى ارض العزب وبعد ان كنا نفخر بهذا المكان لا نعد نطيق العيش فيه من كم الاهمال من السكان حتى انك تشعر بان هؤلاء يفعلون هذا كيدا فى الناس حيث تراهم مجرد ان ينتهى عامل النظافه من عمله الا وتجد قنبله مدويه من خلفه .
هذا بالامانه سلوك ولابد ان نغيره قبل البكاء على الماضى . : :
|
28. أرحموا من فى الأرض
أضيف بواسطة محمود الصباغ, في 25-09-2008 00:27
نرجو من المسئولين احترام أدمية الشعب البورسعيدى لقد أصبحنا نعانى من الفوضى بعد أن كنا مثالا للنظافة والنظام
|
29. مصر
أضيف بواسطة sasa, في 25-09-2008 02:01
انا من رايى يعملوا فلايك للناس دى وانا طبعا معاكو وياريت لو المحافظ هيجى يجى شباب الخريجين وبورفواد والزهور
|
30. ارحمونا
أضيف بواسطة علي السيد, في 25-09-2008 12:29
منطقة السيد متولي و المساكن الجديدة لأهالي القابوطي بجوار جمعية النصر ،ستجدون انهار صرف صحي على طول الطريق و قمامة ذات رائحة لا استطيع و صفها مما ادى الى تكاثر الناموس و الذباب و الحشرات الضارة ،
اين المسئولين ؟اين الوعي الصحي و البيئي؟
هل يجب ان نستيقظ على وباء بالمنطقة حتى يكون التحرك المتأخر الى اقصى حد
|
31. الغاء التعاقد مع سرفيس مصر
أضيف بواسطة اسماعيل اسماعيل الوهيدى, في 28-09-2008 01:02
ارجوا من السيد المحافظ انهاء التعاقد مع شركه سرفيس مصر ورجوع التعامل مع عربات الكارو كما كان فى السابق كانت بورسعيد انظف من كدة بكتير00الوقت تمشى فى الشوارع تلاقى الصندوق مليان والشنط بالهلبولى حوليه النصيبه بقه00ان العربيات الكبيرة بتاعة الزباله ماشيه تتفرج وكأن مش دة شغلها الظاهر بيعجبها المنظر00ارحمونا يرحمكم من فى السماء 
|
32. احقاقا للحق
أضيف بواسطة عاشق حتى الثمالة , في 04-10-2008 00:19
عود على بدء فقد لاحظت هذا العام تطورا مذهلا وددت عرضه احقاقا للحق وهو ظهورسيارات جمع القمامة _على استحياء _ ايام العيد وجمع المقالب التى قد تعفنت وانبعث منها ارزل الروائح بعد أكثر من اسبوع وكذلك بعض الكناسين فى بعض الشوارع الظاهرة . يبدو أن الحملة الشعواء المعلنة على هذه الشركة الفاشلة قد اتت ببعض النتائج الايجابية نوعاما .وعلى الرغم من هذا التقدم :برضه يحيا الزبال بتاع زمان ومعه كناس الحى والملاحظ المعتبر الذى يعمل له ألف حساب
|
33. أضيف بواسطة عبد الرحمن صديق, في 06-10-2008 21:49
للاسف بعد ان كانت بورسعيد يضرب بها المثل في النظافه اصبحت الان تنافس افقر المدن الافريقيه في الزباله التي اصبحت تحتل النواصي في معظم شوارع بورسعيد واصبحت الفئران تتكاثر بعد ان انقرضت واصبح كل الشاغل لعمال النظافه القليلون جدا ان يبحثوا عن الكراتيين الفارغه والبلاستيك لبيعه لتجار الخردة ةبعثرة صناديق القمامة في الشوارع للبحث عن الاشياء التي تجلب لهم المنفعه الشخصيه وللاسف النظافه اصبحت قاصره علي يعض شوارع حي الشرق المهمة فقط وباقي بورسعيد لها الله كان شركة النظافه تتحدي المحافظه في عدم تنفيذ تعاقداتها ام ان الامر اصبح لا يعني المسئولون عن النظافه وانا اقطن في ال5000 وجده واكوام الزباله اصبحت تحتل الشوارع ولا من مجيب حتي العامل المكلف بالنظافه يحتاج هو شخصيا الي النظافه والمنطقه المحصوره بين العمارات من 174 حتي 184 ب5000 خير شاهد علي فشل شركة النظافه
|
34. أضيف بواسطة بنت بورسعيد, في 08-10-2008 15:51
ياجماعه المجاري في كل مكان حتي عند الممشي من وراء الاستاد يعني جنب القري السياحيه
|
|
- من فضلك اضف تعليق يتناسب مع الخبر.
- أي اهانات أو شتم سيتم حذفها.
- لا تنس اضافة الكود الأمني الموجود بالأسفل.
|
|
أرشيف الأخبار 
التعليقات & التفاصيل (34)
الخط الساخن ، الأن على موقع بورسعيد أون لاين 
أخبار مكتبة مبارك العامة ببورسعيد 
